Qëlloi me armë dy shokët e saj dhe një të rritur në ambientet e shkollës, policia arreston 12-vjeçaren

Shkolla e Mesme Rigby në Idaho është tronditur ditën e shkuar, pasi një 12-vjeçare ka qëlluar me armë dy shokë të saj nxënës dhe një anëtar të stafit të shkollës.

Mediat shkruajnë se e mitura, ende e paidentifikuar kishte shkuar në shkollë me një armë dhe qëlloi, duke plagosur tre persona, që sipas policisë, nuk janë në rrezik për jetën.

E mitura aktualisht ndodhet në paraburgim, ndërkohë policia vijon të hetojë shkaqet e kësaj ngjarje që mund të përfundonte në tragjedi.