Priftërinjtë gjermanë sfidojnë Vatikanin dhe bekojnë çiftet homoseksuale

Disa priftërinj në Gjermani kanë bekuar këtë javë çiftet e së njëjtës gjini.

Zyra e Vatikanit në mars tha se priftërinjtë nuk duhet të japin bekime për bashkimin e çifteve të të njëjtit seks.

Priftërinjtë dhe dioqezat në të gjithë Gjermaninë janë bashkuar me nismën”Dashuria Fiton”, me bekime të çifteve që po ndodhin këtë javë në qytete si: Berlini, Mynihu dhe Këlni.

Ndalimi i bekimeve në mars, të cilin Papa Françesku e miratoi, shkaktoi zemërim brenda Kishës dhe befasoi shumë sepse ai ka qenë më tolerant ndaj personave homoseksualë sesa ndonjë papë tjetër.

Papa ka takuar çifte homoseksuale dhe i inkurajoi ata që duan të rrisin fëmijët e tyre dhe t’i dërgojnë në Kishë.

Në vitin 2013, ai bëri vërejtjen që mori famë: “Kush jam unë për të gjykuar” rreth njerëzve homoseksualë që kërkojnë Zotin dhe përpiqen të jetojnë sipas rregullave të Kishës.