Përplasi për VDEKJE babain e dy fëmijëve me skuter elektrik, ARRESTOHET turistja!

Një turiste britanike është dënuar me katër vjet burg pasi vrau një baba të dy fëmijëve ndërsa po udhëtonte me një skuter elektrik nën ndikimin e alkoolit në Australi. Alicia Kemp nga Redditch, Worcestershire, përplasi në shpinë 51-vjeçarin Thanh Phan ndërsa po udhëtonte nëpër qendrën e qytetit të Perth-it më 31 maj. 25-vjeçarja ishte tre herë mbi limitin ligjor australian dhe po udhëtonte me rreth 20 km/orë kur goditi Phan, i cili vdiq në spital disa ditë më vonë, pasi pësoi një gjakderdhje në tru.

E diplomuara në psikologji ishte shumë e dehur. Atë mbrëmje, ajo mori me qira një skuter elektrik rreth orës 20:30. Sipas oficerëve, ajo ishte shoferja kryesore ndërsa shoqja e saj po udhëtonte ilegalisht si pasagjere. Kemp qëndroi në vendngjarje dhe foli me policinë, por gjykata dëgjoi se ajo vazhdoi të pinte pas aksidentit sepse as ajo dhe as ekipet e emergjencës fillimisht nuk e kuptuan sa serioze ishin lëndimet e zPhan. Shoqja e saj gjithashtu humbi ndjenjat, duke pësuar një frakturë kafke dhe hundë të thyer.

Kemp e cila u deklarua fajtore për drejtim të rrezikshëm që shkaktoi vdekjen nën ndikimin e alkoolit në gusht u trajtua për lëndime të lehta. Gjyqtarja Wendy Hughes i dha Kemp, e cila u paraqit në Gjykatën e Distriktit të Perth, Australi Perëndimore, të premten, një dënim me katër vjet burg.

Ajo kishte udhëtuar nëpër Azinë Lindore dhe Australi me të dashurin e saj me një vizë turistike katërmujore dhe punonte në një pub të quajtur Durty Nelly’s në kohën e incidentit. Pas arrestimit të saj, prindërit e saj fluturuan për në Australi për të qenë me të.