Për herë të dytë, Donald Trumpi e quan “guvernator” kryeministrin kanadez Trudeau

Presidenti i sapozgjedhur i SHBA-së, Donald Trump, e quajti për herë të dytë kryeministrin kanadez Justin Trudeau si Guvernator të Kanadasë.

Reagimi i Trump erdhi pas dorëheqjes së zëvendëskryeministres Chrystia Freeland. Një lëvizje që e ka zhytur në krizë të thellë politikën në Kanda.

Në një postim në platformën e tij të mediave sociale, "Truth", Donald Trump shkroi: "Shteti i Madh i Kanadasë është i habitur pasi Ministrja e Financave jep dorëheqjen ose u shkarkua nga posti i saj nga Guvernatori Justin Trudeau. Sjellja e saj ishte totalisht toksike dhe jo Të gjitha të favorshme për të bërë marrëveshje që janë të mira për qytetarët shumë të pakënaqur të Kanadasë, ajo nuk do të mungojë!!!"

Deklarata e Donald Trump vjen pasi të hënën, disa orë para deklaratës për ekonominë e Kanadasë, Chrystia Freeland njoftoi dorëheqjen e saj nga kabineti.

Veçanërisht, Freeland ishte planifikuar të paraqiste deklaratën ekonomike të vjeshtës 2024 të hënën.

Në letrën e saj të dorëheqjes, Freeland shprehej se Kanadaja përballet me një sfidë të rëndë nga administrata e ardhshme e Trump.