“Nuk ishte një fitore e zakonshme”, Elon Musk: Me Trump e ardhmja është e garantuar

Pas ceremonisë së inaugurimit në Capitol Hill, e gjithë vëmendja u fokusua në Capital One Arena në qendër të Uashingtonit, DC, ku Presidenti Donald Trump udhëtoi për të përshëndetur mbështetësit e tij në stadium. Elon Musk dhe Kash Patel ishin në arenë, me turmën që duartrokiste sa herë që ata shfaqeshin në ekran.

I pari që foli në skenë ishte Elon Musk i cili tha se “fitorja e Trump nuk është një fitore e zakonshme” dhe se “populli zgjodhi rrugën e qytetërimit”. Ai falënderoi mbështetësit që “e bënë të ndodhte”, duke thënë se “e ardhmja e qytetërimit është e garantuar”.

CEO i Tesla tha se “tani do të ketë qytete të sigurta, kufij të sigurt, shpenzime të arsyeshme, dhe ne do të çojmë misione në Mars”. Kash Patel, zgjedhja e Trump për drejtore të FBI-së, ishte e radhës që foli. Ajo u ngjit në podium pas Elon Musk.

Ajo tha: “Jemi në një udhëkryq këtu në Amerikë, por e ardhmja jonë është e ndritshme”.