“Nuk do ta lejojmë këtë të ndodhë”, Trump paralajmëron prerë Iranin: Nuk do të ketë kurrë armë bërthamore

Donald Trump ka thënë se bisedimet diplomatike me Iranin po vazhdojnë dhe po shkojnë “mirë”, por këmbënguli se “nuk mund të ketë armë bërthamore”.

Presidenti amerikan i bëri këto komente gjatë një fjalimi në Darkën e Korrespondentëve të Shtëpisë së Bardhë në Uashington DC, e cila u shty pas një të shtëne me armë jashtë eventit origjinal në prill.

 “Ata po flasin me ne tani. Ata do të donin shumë të bënin një marrëveshje. Nuk mendoj se janë gati për këtë. Nuk mendoj se është ende koha, por jam i gatshëm t’i dëgjoj. Por ata nuk mund të kenë një armë bërthamore. Ne nuk duam ta shohim Uashingtonin, DC, ose ndonjë nga qytetet tona, ose Izraelin, ose sinqerisht Lindjen e Mesme, të shkatërruar nga armë bërthamore, sepse unë e di fuqinë e armëve bërthamore”, tha ai.

“E shoh. Mund ta shoh. Nuk do ta lejojmë që kjo të ndodhë. Pra, e gjitha ka të bëjë me faktin që nuk do t’i lejojmë ata të kenë një armë bërthamore. Dhe ata do ta përdornin. Do ta përdornin edhe nëse do ta kishin”, vijoi më tej Trump.