Nëna detyrohet të hedhë foshnjën nga ndërtesa për ta shpëtuar nga zjarri

Një nënë në Durban, Afrika e Jugut, u detyrua të hidhte foshnjën e saj nga një ndërtesë së cilës i ishte vënë zjarri nga plaçkitësit.

Nëna dhe foshnja u ribashkuan me njëra-tjetrën pa lëndime pasi fqinjët i ndihmuan.

Afrika e Jugut është përfshirë nga trazirat që pas shkarkimit dhe dënimit me burg të Presidentit të vendit, Jacob Zuma. Të paktën 30 persona kanë gjetur vdekjen si pasojë e dhunës.

Fillimisht, gjithçka nisi në formën e protestave e më pas ato u kthyen në dhunë gjatë fundjavës, në formën e zjarreve, me bllokim të autostradave si dhe me plaçkitjen e bizneseve.