Moti i keq rrezikoi jetën e pasagjerëve të avionit, manovra gjeniale e pilotit shmangu tragjedinë

Britania e Madhe këto ditë është përfshirë nga një mot i keq, me stuhi dhe erëra të forta. Mediat vendase bëjnë me dije se për pasojë ka pasur shumë përmbytje dhe probleme në transportin ajror.

Në saj të kësaj situate, në aeroportin e Bristolit u raportua një ngjarje që mund të përfundonte në tragjedi. Avioni i linjës së Amsterdamit hasi turbulence dhe erë të fortë teksa ulej. Mediat thanë se ka qenë zotësia dhe manovrat e pilotit që shpëtoi jetën e pasagjerëve në avion. Ndonëse ulja ishte e vështirë, asnjë pasagjer nuk u lëndua.