Moti i keq godet gadishullin Iberik, humbin jetën 6 persona

Gadishulli Iberik është goditur nga stuhitë dhe uraganet. Medait ndërkombëtare raportojnë se 6 opersona kanë humbur jetën në Portugali dhe Spanjë, pasi dy vendet u goditën nga një prej uraganeve më të fortë të viteve të fundit.

Bëhet me dije se mbi mbi 800 mijë banorë kanë mbetur pa energji elektrike.

Sipas mediave 5 persona kanë humbur jetën në Portugali ku forca e urganit ishte më e madhe dhe arriti shpejtësinë deri në 150 km/orë. Katër prej viktimave humbën jetën në Leiria, ndërsa një tjetër në një qytezë në periferitë e Lisbonës. Në qytetin bregdetar Figueira da Foz, erërat e fuqishme rrëzuan edhe një karusel të madh në një prej shesheve kryesore të qytetit.

Si pasojë e stuhisë pati shkëputje të linjave elektrike, duke lënë pa energji mbi 800 mijë banorë.

Po ashtu stuhia Kristin shënoi viktimën e parë edhe në Spanjë, ku një grua u godit nga këputja e një peme për shkak të erërave të fuqishme. Autoritetet kanë lëshuar alarmin e kuq në jug të vendit, ku erërat pritet të arrijnë fuqi ekstreme.