Mesazhi i ri i Trump për Putin: Nëse zbulojmë se po tallesh për paktin e paqes, do të reagojmë ndryshe

Presidenti amerikan, Donald Trump shprehu gatishmërinë e tij për të zhvilluar një takim të përbashkët me Vladimir Putin dhe Volodymyr Zelenskyn, nëse është e nevojshme, të mërkurën.

"Tani për tani, po punojmë me Presidentin Putin dhe do të shohim se ku do të jemi. Do ta bëj, nëse është e nevojshme", u tha Trump gazetarëve në Shtëpinë e Bardhë kur u pyet nëse do të merrte pjesë në një takim të përbashkët me Putinin dhe Zelenskyn, edhe nëse ai zhvillohet në Gjenevë.

Lidhur me refuzimin e tij për të vendosur sanksione ndaj Rusisë deri më sot, ai tha se po e bën këtë në mënyrë që të mos dëmtojë përpjekjet për të arritur një marrëveshje për zgjidhjen e konfliktit në Ukrainë.

"Nëse mendoj se jam afër një marrëveshjeje, nuk dua ta prish atë. Dhe më besoni, unë jam shumë më i ashpër se njerëzit për të cilët po flisni", u tha Trump gazetarëve në Uashington.