Mblidhen në Bruksel ministrat e Jashtëm të BE, Maqedonia e Veriut dhe Shqipëria në fokus të bisedimeve

Ministrat e Jashtëm të Bashkimit Europian mblidhen sot në Bruksel, ku ndër të tjera do të diskutojnë për Ballkanin Perëndimor. Sipas burimeve të cituara nga “Europa e lirë”, ky do të jetë një rast për të përsëritur përkushtimin ndaj rajonit dhe vazhdimin e procesit të integrimit për Shqipërinë dhe Maqedoninë e Veriut.

Gjatë bisedimeve që do të zhvillohen sot, vëmendja do të jetë kryesisht tek rëndësia e dialogut për normalizim të marrëdhënieve mes Kosovës dhe Serbisë. Ndërkaq, çështja e zgjerimit dhe procesit të stabilizim-asocimit do të jetë në rend dite të martën./A2CNN