Lista, burri tregon numrin e femrave që futi në shtëpi, “E dro’gova dhe abuzova gruan për...”

Një burrë britanik pranoi se kishte droguar dhe përdhunuar bashkëshorten e tij në shtëpinë e tyre për rreth dy dekada. Burri, banor i veriut të Anglisë dhe rreth të 60-ave, identiteti i të cilit nuk është bërë publik për të mbrojtur viktimën, u deklarua fajtor për 45 akuza në Gjykatën e Kurorës në Mançester.

Akuzat përfshijnë përdhunim, sulm seksual dhe shpërndarje të materialeve personale intime pa pëlqimin e personit, për veprat e kryera gjatë periudhës 2004-2025. Ai pranoi gjithashtu se i kishte dhënë substanca gruas së tij me qëllim që ta drogonte.

Prokurorët thanë se gruaja ishte përdhunuar dhe sulmuar seksualisht në mënyrë të përsëritur në shtëpinë e saj, pasi ishte droguar nga bashkëshorti.

Dymbëdhjetë burra të tjerë, të moshës nga 28 deri në 74 vjeç, akuzohen gjithashtu për abuzim seksual ndaj së njëjtës grua gjatë periudhës 2018-2025. Të gjithë i kanë mohuar akuzat.

12 burrat e tjerë, të cilët mohojnë të gjitha akuzat ndaj tyre, janë:

Carl Lindsay, 56 vjeç, ish-drejtor ekzekutiv i klubit të futbollit Taunton Town.

Daniel Rayner, 42 vjeç, nga Whitstable, Kent.

David Graves, 59 vjeç, nga Derbyshire.

Jonathan Kirk, 43 vjeç, ndihmës mjekësor i lartë nga zona e Stockport.

Graham Brougham, 74 vjeç, nga Northwich, Cheshire.

Philip Wild, 58 vjeç, ish-pronar i një kompanie taksish, nga zona e Stockport.

Mohammed Sabir, 28 vjeç, konsulent rekrutimi nga zona e Stockport.

Sean Pearce, 38 vjeç, nga zona e Stockport.

Jordan Wallace, 31 vjeç, nga Mançesteri.

Alan Keelan, 42 vjeç, ish-trajner futbolli të moshave U16, nga Mançesteri i Madh.

Richard Townsend, 37 vjeç, nga Mançesteri i Madh.

Robert Stewart, 70 vjeç, nga Stockport, i cili mohon akuzat për komplot për kryerjen e përdhunimit dhe dy akuza për përdhunim. Anëtarët e jurisë janë betuar tashmë për të shqyrtuar çështjen, e cila fillimisht pritej të zgjaste deri në 15 javë.