Karteli i drogës së shqiptarëve dhe kolumbianëve në Itali shkatërrohet, zbulohet roli i secilit (Emrat)

Shkatërrohet një grup droge në Itali, pas një operacioni të urdhëruar nga prokuroria e Katanias. Mediat italiane shkruajnë se në pranga kanë rënë 13 persona, 4 prej të cilëve janë shqiptarë. Ata akuzohen për trafik droge, pasi u kap 367 kg marijuanë e kokainë. Sipas autoriteteve kryesore, droga trafikohej nga Kolumbia e Shqipëria drejt Italisë.

Njoftimi zyrtar ka treguar se grupi i drogës ishte mes kolumbianëve dhe shqiptarëve, por drejtohej nga vëllezërit kolumbianë Ruben Dario Rodriguez Mondragon, Julio Cesar “Cheo” Rodriguez Hurtado, anëtarët Hillaris “Hillary” Caceres Palacios e Robert Andres “Solìto” Rodriguez Mina.

Grupi i dytë i trafikantëve shqiptarë drejtohej nga Viktor Dalipaj, Petraq “Pietro” Troka, e Adriano Spina, dhe ishte i organizuar në dy nën grupe. Nëngrupi i drejtuar nga Julian “Juli” Hoxhaj e Indrit “Endri” Karafili, të cilët trafikonin për interes të këtij organizimi kriminal, sasi droge nga Shqipëria drejt Sicilisë.

Ndërsa nëngrupi i dytë i grupit të trafikantëve shqiptarë drejtohej nga Sebastiano “Mishi” Lombardo, Salvatore Litteri e Gioeli Musumeci e që furnizoheshin me drogë nga grupi i shqiptarëve drejtuar nga Hoxhaj e Karafili.

Hetimet investigative të operacionit "Cocorito" kanë çuar në gjashtë operacione sekuestrimi droge baras me 365 kg marijaunë e hashash për llogari të këtij organizimi kriminal. Gjatë ekzekutimit të urdhër arrestimit janë sekuestruar dhe rreth 500 gramë marijaunë e është vënë nën arrest dhe Ivan Buritica Escobar, bashkëpunëtor i të arrestuarve Lombardo, Litteri E Musumeci.