Kaos në Korenë e Jugut, Parlamenti shkarkon edhe Presidentin në detyrë

Parlamenti i Koresë së Jugut votoi për të shkarkuar kryeministrin dhe presidentin në detyrë, Han Duck-soo, të premten, më pak se dy javë pasi parlamenti i hoqi kompetencat Presidentit Yoon Suk Yeol për shkak të urdhrit të tij disa orësh për ligjin ushtarak, i cili e zhytur vendin në kaos politik.

Partia kryesore opozitare, Demokratike, paraqiti mocionin për shkarkim të enjten, pasi Han refuzoi të plotësonte tre vendet vakante në Gjykatën Kushtetuese, e cila pritet të shqyrtojë gjyqin për shkarkimin e Yoon-it.

Shkarkimi i Han-it ndodh ndërsa vendi është përfshirë në javë të tëra trazirash politike dhe pasigurie pas shpalljes së ligjit ushtarak nga Yoon më 3 dhjetor, i cili zgjati vetëm gjashtë orë dhe shkaktoi protesta masive.

Gjithsej 192 ligjvënës votuan për shkarkimin e tij, më shumë se 151 votat e nevojshme që ai të ketë sukses. Han, dikur kryeministër, mori rolin pasi presidenti Yoon u fajësua nga parlamenti pas përpjekjes së tij të dështuar për të vendosur ligjin ushtarak më 3 dhjetor.

Han duhej ta nxirrte vendin nga trazirat e tij politike, por deputetët e opozitës argumentuan se ai po refuzonte kërkesat për të përfunduar procesin e shkarkimit të Yoon.