Izraeli përgatit përgjigje për sulmin. Irani: Nëse shkelet vija e kuqe, s`do përmbahemi

Shefi i shtabit të Forcave të Mbrojtjes të Izraelit (IDF) gjeneral-lejtant Herzi Halevi tha të hënën se sulmi i Iranit ndaj Izraelit "do të përballet me një përgjigje".

"Irani donte të dëmtonte aftësitë strategjike të shtetit të Izraelit, kjo është diçka që nuk ka ndodhur në të kaluarën," tha Halevi ndërsa iu drejtua trupave në bazën ajrore Nevatim, e cila u godit nga sulmi.

“Ne ishim të përgatitur në operacionin ‘Mburoja e Hekurt’, kjo përgatitje solli Iranin të përmbushte edhe epërsinë ajrore, të cilën ju e shprehët (e manifestuat) shumë mirë”, tha ai.

Halevi tha se Izraeli kishte inteligjencë për sulmin e Iranit që nga e hëna e kaluar, duke shtuar se vendi i tij është "shumë i fortë dhe di se si ta trajtojë vetë". 

Zëdhënësi i IDF-së, adm. Daniel Hagari dyfishoi mesazhin e shefit të shtabit gjatë një konference për media. 

Duke iu përgjigjur një pyetjeje në lidhje me një përgjigje të mundshme izraelite, Hagari theksoi se ushtria izraelite do të duhet të bëjë "gjithçka që është e nevojshme" për të mbrojtur Izraelin. 

"Dhe ne do ta bëjmë atë në kohën e duhur" shtoi ai.

Por nga ana tjeter, Irani kercenon serish, ede pse zyrtaret atje perserisin se nuk dua lufte.

Irani nuk do të tregojë përmbajtje nëse kalohen vijat e tij të kuqe, tha të hënën këshilltari i lartë i komandantit të Forcës Quds të Korpusit të Gardës Revolucionare të Iranit (IRGC), Iraj Masjedi, sipas agjencisë shtetërore iraniane të lajmeve IRNA. 

“Republika Islamike nuk kërkon luftë, por nuk do të tregojë përmbajtje as përballë agresionit të armikut”, tha Masjedi.

Masjedi tha se ndërsa Shtetet e Bashkuara i kërkuan Iranit të ushtrojë përmbajtje. 

Irani nuk do të hezitojë të japë një "përgjigje të stuhishme dhe të unifikuar" ndaj çdo akti agresioni, tha komandanti i ushtrisë iraniane, gjeneralmajor Abdolrahim Mousavi gjatë një mesazhi të hënën për të përkujtuar Ditën e Ushtrisë Kombëtare në Iran.  

Sulmet hakmarrëse të Iranit kundër Izraelit këtë fundjavë, të quajtur Operacioni Premtimi i Vërtetë, u kryen në bashkëpunim me Divizionin e Hapësirës Ajrore të IRGC-së, Ushtrinë dhe Ministrinë e Mbrojtjes, tha Mousavi. Irani kohët e fundit ka kryer shumë stërvitje të përbashkëta ushtarake për të rritur sigurinë, tha ai. 

"Sulmi i fundit tregoi se sistemet e mbrojtjes ajrore (të Izraelit) dhe Kupola e Hekurt nuk janë aspak një pengesë kundër raketave iraniane," tha Masjedi.