Izraeli sulmon Sirinë perëndimore, vdes një civil, plagosen 6 të tjerë

Siria perëndimore është sulmuar mëngjesin e sotëm nga Izraeli. Mediat e huaja shkruajnë se avionët ushtarakë ndërmorën një sulm ajror dhe për pasojë ka mbetur i vdekur 1 civil dhe 6 të tjerë u plagosën.

 “Sistemi ynë i mbrojtjes ajrore interceptoi raketat e agresorit dhe rrëzoi disa prej tyre. Një fëmijë dhe nëna e tij ishin midis të plagosurve, përveç disa humbjeve materiale të cilat u shkaktuan në zonën e goditur”, citoi agjencia zyrtare siriane e lajmeve (SANA) burimin ushtarak.

Për vite, Izraeli ka shënjestruar caqet e forcave të regjimit sirian dhe ato iraniane në vend. Izraeli rrallë merr përgjegjësi për sulmet e tij në Siri.