Izraeli dhe Palestina përballen në Këshillin e Sigurimit, shkëmbejnë akuza për konfliktin

Përfaqësues të Palestinës dhe Izraelit fajësuan njëri-tjerin për përshkallëzimin e konfliktit, gjatë një debati të hapur të Këshillit të Sigurimit të Kombeve të Bashkuara mbi situatën në Lindjen e Mesme.

Ministri i jashtëm palestinez Riyadal-Malki akuzoi izraelin për krime lufte dhe kundër njerëzimit, ndërsa përfaqësuesi i përhershëm i Izraelit në OKB Gilad Erdan tha se Hamas po ndërmerrte sulme duke u fshehur pas civilëve palestinezë.

“Sa herë Izraeli dëgjon një lider të huaj të flasë për të drejtën e tij, për të mbrojtur veten, inkurajohet të vazhdojë me vrasjen e familjeve në gjumë”, ishin fjalët e ministrit palestinez.

Ndërkaq, përfaqësuesi i Izraelit paralajmëroi Këshillin e Sigurimit të OKB kundër hezitimit për të dënuar Hamasin, pasi siç tha, kjo do të minonte seriozisht mundësitë për dialog dhe paqe./A2CNN