Ish-komandanti suprem ngre alarmin: Evropa po përgatitet për fundin e NATO-s!

Kjo është një rubrikë që nuk e kisha ëndërruar kurrë se do ta shkruaja, si një ish-komandant suprem aleat i Organizatës së Traktatit të Atlantikut të Veriut.

Por mjerisht, duke pasur parasysh të gjithë retorikën skeptike dhe gjithnjë e më përçarëse rreth aleancës së nderuar që buronte nga Uashingtoni dhe Evropa në ditët e para të administratës së dytë të Donald Trump, është koha të mendojmë se si do të dukej bota gjeopolitikisht nëse SHBA-të tërhiqen.

A jemi vërtet në ditët e fundit të NATO-s? Çfarë do ta zëvendësonte atë, nëse ka ndonjë gjë? Ose, nëse do të mbijetonte, si do të dukej NATO pa SHBA-në?

Në një editorial për Bloomberg, ai thotë se retorika skeptike dhe përçarëse që vjen nga SHBA dhe Europa në ditët e para të mandatit të dytë të Donald Trump, tregon se ka ardhur koha që të mendohet se si do të duket bota gjeopolitikisht nëse SHBA tërhiqet. Ndërsa vlerëson se tërheqja e SHBA nga NATO do të ishte një gabim i përmasave epike, Stavridis përmend një seri njerëzish me ndikim, të cilët po e mbrojnë idenë e largimit të SHBA, çka e bën opsionin një mundësi reale.

Sipas ish-komandantit të NATO nëse aleanca shpërbëhet apo nëse mbijeton pa SHBA me gjasë do të kemi një Organizatë të Traktatit Europian që bazohet mbi NATO-n, por lë jashtë SHBA.

Kanadaja mund të zgjedhë të qëndrojë…Por ky megjithatë do të ishte terren i pashkelur më pare pasi asnjë shtet nuk është tërhequr plotësisht nga NATO më herët. Sipas tij, fundi i NATO-s nuk do të jetë një gjë e mirë, për të dyja anët e atlantikut.