Incidenti në Kuvend, bllokohet për 13 orë brenda tualetit të parlamentit, deputeti dërgohet me urgjencë në spital

Një deputet i parlamentit të Belgjikë ka përfunduar në spital, pasi mbeti i bllokuar për rreth 13 orë në tualetin e Kuvendit.

Deputeti Frédéric Erens, i partisë Vlaams Belang, mbeti brenda tualetit pasi dryni i derës nuk funksionoi, duke mos hapur derën. Ai hyri në tualet në orën 05:00 të pasdites, sapo seanca përfundoi.

Por teksa përpiqej të hapte derën, vuri re se ajo kishte ngecur. Edhe thirrjet për ndihmë nuk i shërbyen për gjë, pasi të gjithë ishin larguar nga godina me përfundimin e seancës.

Në këto kushte, ai e kaloi gjithë natën aty, deri sa në mëngjes, rreth orës 06:00, një sanitare hapi derën. 

Deputeti u gjet në gjendje jo të mirë shëndetësore, pasi kishte përjetuar bllokim të frymëmarrjes nga mungesa e oksigjenit.