Tërmeti me magnitudë 7.6 godet Karabiet, disa shtete paralajmërohen për cunami

Një tërmet me magnitudë 7.6 ka ndodhur të shtunën në Detin e Karaibeve, sipas Shërbimit Gjeologjik të SHBA-së, duke shkaktuar një paralajmërim për cunami.

Qendra Kombëtare e Paralajmërimit të Cunamit (NWTC) tha fillimisht se ekzistonte një kërcënim cunami për Porto Rikon dhe Ishujt e Virgjër. Banorët në ato vende u këshilluan të lëviznin nga uji, jashtë plazhit, larg porteve dhe të mos shkonin në breg për të vëzhguar cunamin, shkruan CNN.

Qendra më vonë e tërhoqi alarmin për Porto Rikon dhe Ishujt e Virgjër, por tha se ekziston mundësia që cunami të godasë Kubën, Hondurasin dhe Ishujt Kajman, ku valët prej 30 centimetra deri në 1 metër mbi nivelin e baticës janë të mundshme.