I infektuar me Covid-19, kryeministri i Luksemburgut në gjendje të rëndë në spital

Kryeministri i Luksemburgut Xavier Bettel, prej më shumë se një jave është infektuar me Covid-19 dhe prej dy ditësh ndodhet në gjendje të rënduar në spital. Lajmi bëhet me dije përmes një deklarate për shtyp nga zëdhënësi i tij.

48 vjeçari u shtrua në spital pasi shfaqi probleme me frymëmarrjen, ndërsa doli pozitiv me Covid-19 më 27 qershor. Bettel mori dozën e parë të vaksinës AstraZeneca më 6 maj dhe kishte për të marrë dozën e tij të dytë brenda dy ditësh.

“Gjendja aktuale mjekësore e kryeministrit konsiderohet e rëndë, por e qëndrueshme. Kështu, stafi mjekësor përreth kryeministrit vendosi që shtrimi në spital është aktualisht i nevojshëm në mënyrë që të jetë në gjendje të vazhdojë vëzhgimin, kjo për një kohëzgjatje të vlerësuar prej 2-4 ditësh”, thuhet në deklaratën e qeverisë.