Hodhën rrjeta në 200 metra thellësi, biologët zbulojnë 16 specie peshku që thithin 99% të dritës

Një grup biologësh detarë kanë zbuluar 16 specie peshku “ultra të zeza” që thithin 99% të dritës që godet lëkurën e tyre, duke i bërë ata praktikisht të padukshme te peshqit e tjerë në thellësi të detit.

Kërkuesit, të cilët publikuan zbulimet e tyre të enjten në “Current Biology”, kapën speciet pasi hodhën rrjeta në më shumë se 200 metra thellësi afër California’s Monterey Bay.

Në ato thellësi drita e diellit është shumë e zbehtë. Kjo është një nga arsyet pse shumë specie të thellësive të detit kanë evoluar aftësinë për të ndriçuar ujin e errët përmes organeve jetësore tyret.

Kur kërkuesit panë për herë të parë speciet e thellësisë së detit, zbuluan se lëkura fillimisht nuk ishte “ultra e zezë”.

Në atë moment, biologu Karen Osborn vuri re se diçka nuk shkon me fotot që u kishte bërë peshqve.

Pas ekzaminimit të lëkurës së peshkut me mikroskop, kërkuesit zbuluan se lëkura e peshkut përmban shtresa organele të quajtura melanozome.

Melanozomet përmbanin melanin, i njëjti pigment që i jep ngjyrë lëkurës së trupit dhe flokëve te njeriu. Kjo shtresë melanozomesh thith shumicën e dritës.

Rezultati? Specie në thellësi të detit të frikshme dhe të çuditshme të cilat shfaqen në thellësitë e detit më me vështirësi sesa një siluetë e zbehtë. Zbuluesit thonë se kjo nuk është asgjë në krahasim me botën e gjallë që mund të gjendet në thellësi të deteve dhe oqeaneve./TCH