Hapet telefoni i atentatorit të Donald Trump, FBI mbledh mbi 100 dëshmi

Byroja Federale e Hetimit, FBI ka arritur të hapë telefonin e Thomas Matthew Crooks, atentatorit të tubimit të Donald Trump, tha byroja në një deklaratë së fundmi.

Byroja po analizon pajisjet elektronike të Crooks dhe ka kontrolluar shtëpinë dhe makinën e tij, tha FBI.

Hetuesit kanë kryer gjithashtu “afërsisht 100 intervista të personelit të zbatimit të ligjit, pjesëmarrësve të ngjarjeve dhe dëshmitarëve të tjerë.”

Hapat hetimor janë pjesë e hetimit fillestar të FBI-së për të shtënat e së shtunës në një tubim elektoral të ish-Presidentit amerikan Trump, të cilin ajo po e heton si një tentativë vrasjeje ndaj ish-presidentit dhe terrorizmit lokal.

Autoritetet kanë thënë më parë se besojnë se Crooks ka vepruar i vetëm dhe se ata ende nuk kanë qenë në gjendje të identifikojnë një motiv për të shtënat.

FBI konfirmoi të hënën pasdite se laptopi i sulmuesit, 20-vjeçari Thomas Matthew Crooks, si dhe të paktën një pajisje shpërthyese e improvizuar nga makina e tij po analizohet në laboratorin mjekoligjor në Quantico, Virxhinia.

FBI ka gjetur gjithashtu më shumë se një duzinë armësh në shtëpinë e familjes se te riut.

Burime të zbatimit të ligjit thonë për Fox news se pushka Crooks e përdorur në tubimin e Trump të shtunën ishte një DPMS AR-15 që përdor municion me një diametër 5.56 mm.

Babai i Crooks e bleu armën e zjarrit në vitin 2013 dhe tani ajo është në posedim të FBI-së.