Fundoset cisterna, zhduken 7 anëtarë të ekuipazhit

Shtatë persona janë zhdukur pasi një cisternë me flamur të Koresë së Jugut me një ekuipazh prej 11 personash u mbyt në brigjet e Japonisë, sipas transmetuesit publik japonez NHK.

Katër marinarë u shpëtuan, njoftoi televizioni publik japonez.

Ekuipazhi informoi rojet bregdetare japoneze se anija po fundosej dhe ata kërkuan ndihmë pranë ishullit Mutsure, në brigjet jugperëndimore të Japonisë.

Pamjet e transmetuara nga rrjeti tregojnë trupin e kuq të cisternës, një varkë shpëtimi dhe një anije të rojes bregdetare japoneze, si dhe një helikopter që fluturon mbi zonë. Deri më tani, mbetet e paqartë se çfarë lloj produktesh kimike mbante anija, as nëse ka rrjedhje ngarkesash apo karburantesh.