E rëndë në Itali! 15-vjeçari humb jetën në Liqenin e Komos

Një ngjarje tragjike është regjistruar në Itali, ku një 15-vjeçar ka humbur jetën pas një incidenti në Liqenin e Komos.

Sipas raportimeve, adoleshenti ishte hedhur nga një mol në zonën e Mandello del Lario, por nuk doli më në sipërfaqe, duke alarmuar miqtë që ndodheshin me të.

Ata njoftuan menjëherë shërbimet e emergjencës. Në vendngjarje mbërritën rojet bregdetare, zjarrfikësit dhe një helikopter, ndërsa zhytësit arritën të nxjerrin trupin e pajetë nga fundi i liqenit.

Autoritetet kanë nisur hetimet për të zbardhur rrethanat e plota të ngjarjes, ndërsa ende nuk dihet nëse i riu ka pësuar ndonjë problem shëndetësor në ujë.

Sipas kryebashkiakut të zonës, Riccardo Fasoli, dyshohet se 15-vjeçari ishte futur në një zonë ku hyrja ishte e ndaluar. Ai bëri thirrje për më shumë ndërgjegjësim mbi rreziqet në vende të tilla.