E reklamonte në internet si “Eva”, ky është shqiptari që trafikonte për prostitucion të miturën në Greqi

Ky është 57-vjeçari shqiptar që abuzoi dhe shfrytëzoi për prostitucion 17-vjeçaren Amanda në Greqi. Mediat fqinje raportojnë se autori ka dalë sot para trupës gjykuese.

E mitura me origjinë nga Rumania në dëshminë e saj në polici ka rrëfyer të gjithë torturën e saj nga 57-vjeçari, i cili e mashtroi dhe më pas e shfrytëzoi për prostitucion.

Shqiptari e reklamonte atë në faqe online me emrin “Eva”. Pikërisht me anë të kësaj faqe policia arriti të bjerë në gjurmët e 17-vjeçares, e cila rezultonte e zhdukur prej 3 qershorit. Efektivët u shtirën sikur ishin klientë dhe lanë takim në hotel në Agia Paraskevi, aty gjetën të miturën dhe e shpëtuan.

Në dëshminë e sa, e mitura deklaroi se ajo u largua nga Rumania me nënën dhe vëllain e saj, sepse prindërit ishin ndarë.  Kur u vendos në Athinë, vëllai i saj filloi të abuzonte me të, ndërsa nëna e saj nuk dukej të bënte asgjë për ta ndihmuar. Kështu, ajo përfundoi duke jetuar në institucione, nga ku shpesh zhdukej dhe endej rrugëve të qendrës së Athinës.

57-vjeçari iu afrua asaj në fillim të qershorit në zonën e Omonia dhe la tek ajo idenë të ishte “figura e babait të munguar”.

Ai fillimisht i kishte ofruar një shtëpi në Rafina dhe më pas i duhet të gjej mënyrë për të sjellë para në shtëpi. ai e fotografoi të miturën dhe falsifikoi një kartë identiteti. Më pas forot i postoi në një faqe interneti duke e përshkruar si “Eva 22-vjeçare”.

17-vjeçarja i tha policisë se shkonte në takimet që i siguronte 57-vjeçari sepse dëshironte që disi t’i ofronte diçka.

Uebfaqja në të cilën ishte postuar Amanda drejtohet nga një grek, i cili ishte i shpallur në kërkim.