Dhunë mes dy fraksioneve më të fuqishme të kartelit Sinaloa në Meksikë, mbyllen shkollat

Festimet e Ditës Kombëtare janë anuluar dhe shkollat ​​janë mbyllur pasi 12 persona humbën jetën për shkak të konflikteve brenda kartelit të drogës në Sinaloa.

Dhuna shpërtheu të hënën ndërsa tensionet rriten midis dy fraksioneve më të fuqishme të kartelit Sinaloa të Meksikës.

 Kjo vjen pasi trafikanti dhe lideri i fraksionit të Los Mayos, Ismael “El Mayo” Zambada , u arrestua në SHBA

Udhëheqësi i kartelit, pretendoi se një anëtar i lartë i Los Chapitos, një fraksion tjetër i kartelit, e rrëmbeu atë dhe më pas e fluturoi përtej kufirit kundër vullnetit të tij.

Qeveria federale e Meksikës ka zbritur në terren më shumë se 500 ushtarë specialë, që nga arrestimi i Zambada.

Presidenti në largim Andres Manuel Lopez Obrador tha se ushtria po përpiqej të ruante rendin, duke shtuar se autoritetet “duhet të përpiqen të sigurojnë që popullsia të mos preket dhe që ata të mos luftojnë me njëri-tjetrin”.