Detaje të frikshme, vrasësit zbrazën 12 plumba mbi trupin e presidentit të Haitit dhe i nxorën njërin sy

Presidenti i Haitit Jovenel Moise u ekzekutua me 12 plumba mëngjesin e së mërkurës në rezidencën e tij, ndërsa mbeti e plagosur rëndë gruaja e tij, Martine Moise.

Gjatë sulmit, vrasësit i kishin nxjerrë njërin sy Moise-s, ndërsa vajza e vogël e tyre, Jomarlie u tmerrua nga skena e frikshme dhe u fsheh në dhomën e gjumit.

Sulmuesit plaçkitën zyrën e presidentit dhe dhomat e tjera të rezidencës, ndërsa dy shërbëtorë i lidhën teksa ata bërtitën, duke u thënë se ishin oficerë të Administratës së Zbatimit të Drogave të SHBA.

Mbrëmjen e djeshme, mjekët thanë se gjendja e Zonjës së Parë është e qëndrueshme dhe jashtë rrezikut për jetën.