Del në skenë zbuluesja e vaksinës anti- Covid: Doza e tretë nuk është e nevojshme për të gjithë

Në një kohë kur shumë vende po miratojnë dozën e tretë anti- Covid, ka dalë në skenë shkencëtarja që ka zbuluar vaksinën. Profesoresha Dame Sarah Gilbert tha për mediat ndërkombëtare se nuk është e nevojshme për të gjithë njerëzit.

Ajo theksoi se disa grupe të ndjeshme do të kenë nevojë për dozën përforcuese, por se imuniteti është duke zgjatur mirë në shumicën e rasteve.

“Duhet të dërgojmë vaksina në shtetet ku deri më tani është vaksinuar një pjesë e vogël e popullsisë”, tha ajo.

Kujtojmë se janë shtuar vendet që po miratojnë këtë dozë të tretë, ndërsa është thënë se grupet që do e marrin janë moshat e treta dhe personat që kanë sëmundje kronike.