Deklara e fortë, Trump thotë se po shqyrton mundësinë të "hedhë në erë të gjithë kombin" e Iranit

Presidenti amerikan Donald Trumpi deklaroi se po shqyrtonte mundësinë e "shkatërrimit të plotë" të Iranit, mes raportimeve se SHBA-ja po përgatitet të rifillojë veprimet ushtarake kundër regjimit.

Presidenti amerikan gjithashtu la të kuptohet se mund t'i "linte ata të kalbeshin ekonomikisht", ndërsa Teherani gjendet nën presionin e një bllokade detare, nëse nuk arrin një marrëveshje paqeje.

Të dielën, Irani njoftoi se po përgatitej për sulme të mundshme ajrore dhe kërcënoi me kundërpërgjigje. Ambasadat amerikane dhe Departamenti i Shtetit lëshuan paralajmërime sigurie gjatë fundjavës, teksa në rajon kanë nisur luftimet mes Arabisë Saudite dhe rebelëve Houthi të Jemenit.

Trump, i cili u largua të shtunën nga rezidenca presidenciale në Camp David më herët se sa pritej për t'u kthyer në Shtëpinë e Bardhë, i tha Fox News të dielën se ndodhej në një "fazë vendimmarrjeje" dhe se "gjëra shumë të mëdha do të ndodhin në një të ardhme jo shumë të largët".

Opsionet e tij ishin "shkatërrimi i plotë i Iranit, lënia e tyre të kalben ekonomikisht ose arritja e një marrëveshjeje", tha ai, duke shtuar: "Pyetja ime është: a do ta shkatërroj plotësisht këtë komb dhe kur?"

Ai ka kërcënuar më parë se do ta "shkatërronte plotësisht vendin", se do ta bombardonte Iranin duke e kthyer "në Epokën e Gurit".