Britania duket se ia hodhi, 55% e popullsisë kanë antitrupat të Covid-19

Një lajm i mirë vjen nga Britania, lidhur me situatën e krijuar nga Covid-19. Mediat britanike shkruajnë se pothuajse 55% e qytetarëve në Britani, kanë antitrupa të Covid.

Mësohet se një sondazh i Zyrës për Statistikat Kombëtare (ONS) zbuloi se  54.7 përqind e njerëzve në Angli kishin  antitrupa kundër virusit në krahasim me  50.8 përqind të një javë më parë.

Shifra ka të ngjarë të jetë edhe më e lartë tani sepse miliona të tjerë janë vaksinuar. Deri më tani 30.5 milion britanikë kanë marrë dozën e tyre të parë dhe 3.7 milion janë vaksinuar plotësisht. Boris Johnson  po përballet me kërkesa të shumta për të hequr bllokimin, me rastet e Covid, shtrimet në spital dhe vdekjet që kanë rënë në nivelin e tyre më të ulët për gjashtë muaj.

Njerëzit në Angli duhet të presin të paktën shtatë javë të tjera para se pubet, restorantet dhe hotelet të mund të rihapen plotësisht.