Bie borë në Afrikën e Jugut, moti i keq vështirëson trafikun rrugor

Këtë fundjavë, Afrika e Jugut po përshkohet nga një front masash të ftohta ajri, të cilat shkaktuan gjatë ngrica dhe borë të dendur. Mediat ndërkombëtare shkruajnë se muajt qershor- korrik- gusht, përkon me stinën e dimrit për shtetin më jugor të Afrikës. Ndërkohë, meteorologët thonë se moti i këtij viti është i pazakontë dhe ka vështirësuar trafikun rrugor.

Për pasojë, qeveria u ka sugjeruar fermërëve që të kujdesen për kafshët që mbajnë jashtë. Reshjet më të dendura të dëborës ranë ditë më parë në rajonin e Lesotos dhe në Kuazulu-Natal ku temperaturat zbritën nën zero.

Autoritetet lëshuan alarmin e kategorisë 4 për motin ekstrem, duke paralajmëruar mundësinë e rreziqeve të konsiderueshme për vendin. Sasitë e borës deri 20 centimetra u përqendruan në zonat malore dhe provincat e Kejpit Verior e Perëndimor, ku fronti i masave të ftohta shkaktoi erëra të forta dhe shira të rëndë. Javën e kaluar Afrika e Jugut përjetoi reshje bore për herë të katërt në harkun e dy muajve./oranews