BE aprovon tregtimin e larvave të verdha si ushqim

Larvat e verdha, të quajtura "tenebrione mugnaio", të njohura më mirë si tenja mielli janë autorizuar nga shtetet antëare të Be për tu tregtuar si ushqim. Ky vendim vjen pasi u dha vlerësimi shkencor nga EFSA.

Ky produkt mund të tregtohet si një insekt i tërë i tharë, si një meze e lehtë, ose si një formë mielli, një përbërës për shumë produkte ushqimore. Autorizimi përcakton kërkesa specifike për etiketimin në lidhje me alergjinë, duke pasur parasysh që EFSA ka treguar që konsumi i insektit mund të çojë në reagime ndaj subjekteve me alergji para-ekzistuese ndaj krustaceve dhe merimangave të pluhurit.

Vendimi zyrtar nga Komisioni Evropian do të miratohet në javët e ardhshme dhe është pjesë e strategjisë "Farm to Fork". Plani i veprimit i BE-së 2020-30 për sistemet e ushqimit të qëndrueshëm identifikon insektet si një burim të proteinave me ndikim të ulët mjedisor që mund të mbështesin tranzicionin "e gjelbër" të prodhimit të ushqimit të BE-së. Për momentin, ka njëmbëdhjetë aplikime për insektet si ushqime të reja në shqyrtim nga EFSA.