Arrestohet 59-vjeçari në Mat, në banesë i gjenden një automatik dhe qindra fishekë

Policia e Matit ka zhvilluar kontrolle intensive, bazuar në inteligjencën policore, për parandalimin dhe goditjen e armëmbajtjes pa leje.

“Finalizohet nga Komisariati i Policisë Mat, operacioni policor i koduar "Burgajeti". Sekuestrohen një armë zjarri kallashnikov dhe qindra fishekë luftarak. Vihet në pranga poseduesi i tyre.

Shërbimet e Komisariatit të Policisë Mat, në vijim të punës për parandalimin dhe goditjen e veprimtarisë kriminale të armëmbajtjes pa leje, bazuar dhe në informacionet e siguruara në rrugë operative, se një shtetas mbante armë zjarri, kanë organizuar dhe finalizuar operacionin policor të koduar "Burgajeti".

Si rezultat i operacionit, u bë arrestimi në flagrancë i shtetasit Rr. M., 59 vjeç, banues në fshatin Burgajet, pasi shërbimet e Policisë gjetën të fshehura në banesën e tij, një armë zjarri kallashnikov dhe 813 fishekë luftarak, të cilat u sekuestruan në cilësinë e provës materiale.

Akademia e Shkencave, beteja vijon sot në Kushtetuese, Zhupa: Ligji, në shkelje të plotë të Kushtetutës...
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale "Mbajtja pa leje dhe prodhimi i armëve, armëve shpërthyese dhe i municionit””, thuhet në njoftimin e policisë.