Atentat shqiptarit në Greqi, 24-vjeçari qëllohet me armë zjarri në bark

Një 24-vjeçar shqiptar në Selanik të Greqisë është qëlluar me armë zjarri në bark.

Sipas raportimeve nga mediet greke, autori ka ndjekur me motor 24-vjeçarin në rrugën “Egnatia” pranë Selanikut dhe e ka qëlluar pak para se të arrinin në rrugën me pagesë të Oreokastros.

I riu ka vazhduar të largohej, por më pas është rrëzuar. Shqiptari u dërgua i plagosur rëndë në spital.

Sipas medieve greke,  24-vjeçari është person me precedentët penal dhe i akuzuar për një sërë krimesh, si dhe ka vuajtur dënimin me burg për vjedhje.