Tërmet në Napoli! Mediat italiane: Më i fuqishmi i regjistruar në 40 vitet e fundit

Lëkundja është raportuar si më e forta që ka goditur qytetin në 40 vitet e fundit. Banorët e zonës e ndjenë fuqishëm dhe shumë prej tyre dolën nga banesat për shkak të frikës, por fatmirësisht nuk raportohet për dëme materiale apo të lënduar.

Lëkundjet u ndjenë përfshirë Fuorigrottën, Bagnolin, Agnanon, si dhe në komunat përreth si Bacoli, Pozzuoli dhe Giugliano.

Megjithë frikën për rrëshqitje shkëmbinjsh në Punta Pennata dhe pranë Kështjellës së Baia-s, fatmirësisht nuk ka raportime për të lënduar.

Autoritetet lokale janë në gatishmëri dhe po bëjnë kontrollime në infrastrukturë dhe transport, ndërsa hekurudha dhe linjat lokale janë pezulluar përkohësisht për verifikime.