Sulm me thikë në stacionin e metrosë në Francë, plagosen 4 persona

Një ngjarje e rëndë është shënuar ditën e sotme në stacionin e metrosë së qytetit të Lionit në Francë. Sipas mediave vendase një maroken ka qëlluar me thikë 4 persona, të cilët raportohet se janë jashtë rrezikut për jetën.

Duke u nisur nga të dhënat që vijnë nga autoritetet franceze, sulmi i ndodhur në metro nuk ka lidhje me një aktivitet terrorist, pasi marokeni i arrestuar dyshohet se është me probleme mendore.

Dëshmitarët që kanë qenë në vendin e ngjarjes shprehen se autori i dyshuar, në fillim kishte bërë sjellje të çuditshme, dhe se më pas ai kishte nxjerrë mjetin prerës “thikë”, teksa i’u është sulur personave të ndryshëm që kishte afër. Si pasojë e sulmit, janë plagosur 4 persona, ku dy prej tyre ndodhen në gjendje të rëndë, pasi kanë marrë plagë në pjesën e barkut dhe të kraharorit, ndërsa 2 të tjerët kanë marrë gërvishtje të lehta në krah.

Gjithashtu, bëhet me dije se në gjendje të rënduar psikologjike është transportuar për t’i dhënë ndihmë mjekësore edhe një grua, e cila nuk është prekur nga sulmuesi, por ka pësuar “shok”, duke qenë e pranishme gjatë sulmit të ndodhur në metro.

Autoritetet franceze kanë arrestuar marokenin e dyshuar si autor të sulmit, ndërsa po merren masa për të parandaluar situata të tjera të ngjashme në vend.