Zjarri në Kurorën e Gjelbër në Sarandë, flakët pranë Manastirit të 40 Shenjtorëve

Një vatër zjarri është shfaqur pak minuta më parë në kurorën e qytetit të Sarandës, mbi rrugën Nr. 5.

Burime për Mediat bëjnë të ditur se zjarri ka rënë në zonën e mbjellë me pisha, pranë Manastirit të 40 Shenjtorëve.

Ndërkohë drejt vendngjarjes kanë shkuar disa forca dhe mjete zjarrfikëse, për të bërë të mundur shuarjen e flakëve.

Nga stacioni i MZSH Bashkia Sarandë bëhet me dije se janë angazhuar 2 automjete zjarrfikës dhe 9 efektivë të MZSh Sarandë. Ndërkaq, në mbështetje të tyre po shkojnë edhe efektivë nga Bashkia Delvinë dhe Finiq.

Nga komunikimi me përgjegjësin e stacionit, mësohet se terreni nuk lë mundësi aksesimi për mjetet zjarfikëse. Për këtë arësye, është  kërkuar ndërhyrje nga ajri dhe janë të pritje.