Zjarr në Sektorin Rinia në Durrës: Era përhap flakët drejt banesave

Një vatër e madhe zjarri ka përfshirë një sipërfaqe me shkurre në Sektorin Rinia në Durrës.

Të favorizuara nga era e fortë, flakët janë përhapur me shpejtësi duke djegur një sipërfaqe të gjerë toke dhe duke u afruar rrezikshëm pranë disa banesave e pronave private.

Për të parandaluar djegien e shtëpive, banorët e zonës i janë bashkuar efektivëve të shërbimit zjarrfikës në terren për të vënë nën kontroll përhapjen e zjarrit.