EMRI, "punonjësin e hotelit e morën peng dhe e vranë në Dhërmi", detaje të reja, autori banues në Angli

VLORE - Detaje te reja jane zbardhur nga ngjarja e rëndë e ndodhur në Dhërmi, ku një 31-vjeçar i cili punonte si recepsionist në një hotel, është gjetur i vrarë me armë zjarri.

Eraldo Nevruzi dyshohet se është 31-vjeçari, nga Tirana, i qëlluar me armë zjarri në Dhërmi, ndërsa autori dyshohet se është Gerald Shehu, nga Tepelena, por banues në Angli.

Sipas policisë shtetasi E. N., 31 vjeç, banues në Tiranë, punonjës në recepsionin e një hoteli në Dhërmi, Himarë, kishte humbur kontaktet me pronarët e hotelit.

Me marrjen e njoftimit, Drejtoria Vendore e Policisë Vlorë dhe Komisariati i Policisë Himarë kanë ngritur një grup hetimor, në drejtimin e Prokurorisë së Juridiksionit të Përgjithshëm Vlorë.

Shërbimet e Policisë dhe grupi hetimor kanë shkuar në hotel dhe kanë kryer një sërë veprimesh hetimore. Nga veprimet hetimore dyshohet se shtetasi E. N. është qëlluar me armë zjarri, rreth orës 00:30, nga shtetasi G. Sh., 43 vjeç, lindur në Tepelenë dhe banues në Angli.

Autori i dyshuar i ngjarjes është larguar drejt Greqisë.

Ora 15.45: Zhduket recipsionisti i hotelit në Dhërmi, policia: Dyshohet se e vranë me armë zjarri

Zhduket recipsionisti i një hoteli në Dhërmi.

Lajmi eshte bere me dije nga policia e Vlores.

'Më datë 06.06.2024, Policia ka marrë njoftim se në Dhërmi, Himarë, shtetasi E. N., 31 vjeç,  banues në Tiranë, punonjës në recepsionin e një hoteli në Dhërmi, Himarë, kishte humbur kontaktet me pronarët e hotelit.      

Me marrjen e njoftimit, Drejtoria Vendore e Policisë Vlorë dhe Komisariati i Policisë Himarë kanë ngritur një grup hetimor, në drejtimin e Prokurorisë së Juridiksionit të Përgjithshëm Vlorë. 

Shërbimet e Policisë dhe grupi hetimor kanë shkuar në hotel dhe kanë kryer një sërë veprimesh hetimore. Nga veprimet hetimore dyshohet se shtetasi E. N. është qëlluar me armë zjarri, rreth orës 00:30, nga shtetasi G. Sh., 43 vjeç, lindur në Tepelenë dhe banues në Angli.        

Nga veprimet e tjera hetimore rezulton se pas ngjarjes shtetasi G. Sh. është larguar drejt Greqisë.       

Janë administruar në cilësinë e provës materiale, prova ligjore, si dhe janë shoqëruar deri në këto momente, për t'u pyetur në lidhje me këtë ngjarje, 29 shtetas.    

Nga tërësia e veprimeve të deritanishme dyshohet se kemi të bëjmë me një ngjarje të rëndë kriminale. 

Grupi hetimor, në drejtimin e Prokurorisë, vijon punën intensivisht për gjetjen e shtetasit E. N., si dhe për zbardhjen e rrethanave dhe dokumentimin e plotë ligjor të rastit. 

Në vijim, do të ketë njoftime të tjera për veprimet e kryera nga grupi hetimor.'- njofton policia.