Zhduket në Francë 23-vjeçari shqiptar, nëna denoncon në polici: Nuk di ku ndodhet prej 1 muaji

Policia shqiptare është vendosur në alarm pas denoncimit të një nëne nga qyteti i Memaliajt, e cila ka raportuar të zhdukur të birin 23-vjeçar.

Sipas dëshmisë së nënës së të riut, ai i ka humbur gjurmët në Francë rreth një muaj më parë.

“Më datën 11.07.2025, është paraqitur në Stacionin e Policisë Memaliaj dhe ka bërë kallëzim shtetasja T. A., banuese në fshatin Toç, e cila prej datës 10.06.2025, ka humbur kontaktet, me djalin e saj, shtetasin R. A., 23 vjeç.

Sipas deklarimeve të familjarëve, i riu ka qenë së fundmi në Francë”, njofton policia.