Zgjedhjet 2025/ Mbledhja e Kryesisë së PS, zbulohen porositë e Ramës për diasporën

Kryeministri Edi Rama ka mbledhur ditën e sotme Kryesinë e Partisë Socialiste.

Mbledhja ka në fokus zgjedhjet e majit 2025.

Ndërkohë mësohet se në këtë mbledhje pritet që të zyrtarizohet emri i Bledi Klosit si drejtues politik i qarkut të Dibrës.

I gjithë fokusi i mbledhjes ku kryebashkiakët ishin online ishte diaspora. Rama ka kërkuar vijimin e hartimit të një database për të gjithë emigrantët në funksion të zgjedhjeve të 2025.

Presidenti Bajram Begaj pak ditë më parë dekretoi datën 11 maj për mbajtjen e zgjedhjeve të përgjithshme, ndërsa partitë politike kanë nisur përgatitjet dhe organizimet e strukturave.