Zbulohet një tjetër ‘shtëpi bari’ në Sarandë, apartamenti ishte përshtatur për kultivimin e lëndëve narkotike

Një tjetër “shtëpi bari” është zbuluar në Sarandë në të cilën kultivoheshin lëndë narkotike.

Siç raporton gazetarja e Top Channel Entjola Budo, Operacioni në vijim e sipër në lagjen nr. 2 të qytetit në kryqëzimin e rrugëve “Adem Sheme” dhe “Pandeli Boçari”.

Një apartament në një pallat disakatësh ishte përshtatur  për kultivimin e brendshëm të bimëve të marijuanës. Policia dyshon se pas këtij  apartamenti fshihet i njëjti  grup që ka lidhje edhe me një tjetër  “shtëpi bari” të zbuluar mbrëmjen e 10 janarit në lagjen nr.1 në rrugën “Butrinti” ku u arrestua një person dhe një tjetër u shpall në kërkim.