Zbardhen dy raste grabitjesh në Korçë, arrestohet autori, shpallet në kërkim bashkëpunëtori

Zbardhen dy raste vjedhjesh në Korçë, arrestohet autori dhe shpallet në kërkim bashkëpunëtori.

Komisariati i Korçës ka finalizuar një operacion për kapjen e një 18-vjeçari me iniciale A.H., i cili, së bashku me një 18-vjeçar të identifikuar si E.Ll., kanë vjedhur një market në lagjen 16 të Korçës, ngjarje e ndodhur një muaj më parë.

Dy të rinjtë dyshohet se kanë vjedhur edhe një bar-kafe në lagjen 9 të qytetit të Korçës disa javë më parë.

Pas ekspertimit të pamjeve filmike të kamerave të sigurisë dhe veprimeve të tjera hetimore, është bërë i mundur dokumentimi i dy vjedhjeve në Korçë.

Të rinjtë kanë vjedhur tek dy bizneset sasi lekësh dhe mallrash.