Vrau gruan para gjykatës në Elbasanit, ish-polici i përjashtuar, i dhunshëm dhe i alkoolizuar

Divorci është kthyer në tragjedi ditën e sotme përpara gjykatës së Elbasanit. Koço dhe Liljana Buzo do të divorcoheshin me kërkesë të bashkëshortes. Koço autori i kësaj ngjarjeje të rëndë nuk ka marrë pjesë në procesin gjyqësor Po ka preferuar të qëndrojë jashtë saj.

Ka qenë Liljana që kishte nisur procedurat e divorcit. Edhe pse ishte kërcënuar nga 58 vjecari mbrëmjen se së mërkurës që të mos shkonte në gjykatë ajo mori pjesë në seancën e parë, atë të pajtimit. Koço Buzo ish polici i bëri priti 50 metra larg gjykatës tek rruga “Ismail Dërbova”.

Kur ajo doli nga gjykata e shoqëruar me djalin e tyre e qëlloi për vdekje. Ndërsa plagosi në këmbë avokatin e bashkëshortes Gëzim Toçilën dhe një kalimtar, Adriatik Kolën në dorë. 

Të plagosurit kanë marrë ndihmë mjekësore në spital dhe janë jashtë rrezikut për jetën. Pranë vendngjarjes ndodhet dhe komisariati i policisë. Policia e arrestoi autorin e krimit pak minuta më pas.

Ish polici veç armës së tipit kallashnikov me vete kishte dhe një thikë. Të dyja armët u sekuestruan në cilësinë e provës materiale. Koço Buzo ka qenë i përjashtuar nga radhët e policisë. Ndërsa njihet si person i dhunshëm dhe përdorues alkooli.