Vrasja e Renis Dobrës, Petrit Çakrri dhe Fation Bushgjokaj transferohen në Tiranë

Petrit Çakrri dhe Fation Bushgjokaj, të arrestuarit për vrasjen e 23 vjeçarit Renis Dobra, janë transferuar në paraburgimin e burgut 313 në Tiranë.

U raportua se pasi gjykata e Dibrës vendosi ditën e djeshme masën e sigurisë arrest me burg për Çakrrin dhe Bushgjokajn, ata janë transferuar tek 313.

Mësohet se transferimi i tyre është bërë për shkak se nuk mund të dërgoheshin në Burrel, për arsye se mund të ketë të afërm të 23-vjeçarit Dobra që punojnë në institucionin e burgut të sigurisë së lartë të qytetit të Burrelit.

Kujtojmë se për vrasjen e Renis Dobrës nën akuzë janë edhe dy vëllezërit Aleksandër e Kristi Bushgjokaj, të cilët janë shpallur në kërkim ndërkombëtar pasi dyshohet se janë larguar jashtë vendit nërpërmjet Kosovës.