Vra'sja e Egli Progës në Pogradec, shtyhet seanca për dy të akuzuarit, zbulohet arsyeja

Është shtyrë seanca e parë e gjykimit paraprak për 5 të akuzuarit e vrasjes së Egli Progës.

Seanca e sotme zgjati rreth 60 min dhe gjykata nuk arriti në vendimmarrje për shkak të mungesës së avokatit të Leonidha Guçes.

Mësohet se seanca e radhës do të jetë të hënën tjetër, ndërsa pritet që gjykata të vendosë nëse çështja do të kalojë në gjykim themeli apo do ti kthehet prokurorisë.

Pas dy vitesh, prokuroria mbylli hetimet dhe dërgoi çështjen për gjykim për 5 persona.

Organi i akuzës u komunikoi akuzën e vrasjes me dashje të kryer në bashkëpunim, Denis Meçes dhe Leonidha Guçes. Dy të akuzuarit deri më sot ishin në masën e sigurisë “arrest në shtëpi”, ndërsa tre të tjerët me “detyrim paraqitje” për moskallëzim krimi.