Video/ 41-vjeçari futet mes makinave në Tiranë dhe bllokon qarkullimin, policia e dërgon në spital

Një 41-vjeçar është proceduar penalisht nga policia në Tiranë, pasi bllokoi qarkullimin në rrugën e Elbasanit.

Përmes një njoftimi zyrtar blutë e kryeyqtetit bëjnë me dije se 41-vjeçari shfaqi shenja agresiviteti dhe ç’rregullime në sjellje kundrejt qytetarëve.

Mësohet se ai u neutralizua dhe u dërgua në spital për ndihmë mjekësore nga efektivët.

Materialet i kaluan Prokurorisë pranë Gjykatës së Shkallës së Parë të Juriduksionit të Përgjithshëm Tiranë, për veprime të mëtejshme procedurale.

“Specialistët për Hetimin e Krimeve të Komisariatit të Policisë Nr. 1 proceduan penalisht shtetasin e huaj E. T., 41 vjeç.

Ky shtetas ditën e sotme, në Rrugën e Elbasanit, ka shfaqur shenja agresiviteti dhe ç’rregullime në sjellje, dhe ka bllokuar lëvizjen e automjeteve. Gjithashtu, gjatë neutralizimit, ka kundërshtuar me dhunë punonjësit e Policisë. 41-vjeçari është dërguar për ndihmë mjekësore në spital”, thuhet në njoftimin e policisë.