Ushtronin aktivitetin e lojrave të fatit, policia e Elbasanit procedon penalisht 2 persona

Policia e Elbasanit ka nisur procedim penal kundër dy personave, të cilët ushtronin aktivitetin e kundërligjshëm të lojërave të fatit.

“Specialistët për Hetimin e Krimit Ekonomik dhe Financiar në DVP Elbasan proceduan penalisht shtetasit: F. D., 41 vjeç dhe K. Z., 58 vjeç, pasi nga kontrolli i ushtruar në ambientet e lokaleve në pronësi të tyre u konstatua se ushtronin aktivitetin e kundërligjshëm të lojërave të fatit. Në cilësinë e provës materiale u sekuestruan 2 aparate celulare me faqe të hapura për baste sportive”, njofton policia.