Ulen ndjeshëm temperaturat dhe nisin reshjet e shiut, ja parashikimi për sot

Kthjellimet dhe vranësirat kalimtare do dominojnë ditën e sotme në vendin tonë. Sipas MeteoAlb, kështu do nisë dita e parë e ditës, ndërsa në pjesën e dytë do kenë shpeshtim të vranësirave. Fillimisht do nisë në veriperëndim dhe qëndrore, duke sjellë shira afatshkurtra.

Sipas MeteoAlb, shpesh herë këto reshje do vijnë në formë rrebeshi, ndërkohë që do ketë ndryshime në orët e natës, pasi do rikthehen kthjellimet dhe vranësirat kalimtare. Temperaturat luhaten nga 12 gradë deri në 29 gradë. Era do fryjë deri 45 km/h  nga perëndimi dhe veriperëndimi, ndërsa dallgëzimi në det do krijohet 4 ballë.